నమస్తే.
జై శివాయ్.
ఈ రోజు మీ ఆధ్యాత్మిక పురోగతిని ఎలా విశ్లేషించాలో తెలుసుకుందాం.
ఆధ్యాత్మిక పురోగతి యొక్క మూల్యాంకనం మీ మొత్తం ఉనికిపై జరగాలి.
మీ పురోగతిని అర్థం చేసుకోవడానికి మీరు మీ కోశాలలో ఒకదాన్ని మాత్రమే అంచనా వేయలేరు.
మీకు ఐదు కోశాలు ఉంటాయి.
మీరు చేస్తున్న ఆధ్యాత్మిక సాధన ఏదైనా కూడా మీ శరీరం మరియు ఉనికి యొక్క ఐదు కోశాలను ప్రభావితం చేస్తుంది.
మొదటి కోశం మీ భౌతిక శరీరం.
దానిని అన్నమయ కోశం అని పిలుస్తాము.
అన్నమయ కోశం మీలో భౌతికంగా ఉన్నదంతా కలిగి ఉంటుంది.
మీ యోగ సాధన ద్వారా, మీరు ఏ ఆసనంలోనైనా నొప్పి, లేదా దురద, లేదా శరీరంలో కుదుపు లేకుండా గణనీయమైన సమయం పాటు నిశ్శబ్దంగా కూర్చోగలిగితే, మీ అన్నమయ కోశం అభివృద్ధి చెందిందని చెప్పగలం.
ఒక యోగాసనంలో సంపూర్ణంగా ఉండడానికి కనీస సమయం రెండున్నర గంటలు.
అయితే మొదట్లో 15 నిమిషాల పాటు భంగిమలో కూర్చోగలరా లేదా అని చూడండి.
అప్పుడు నెమ్మదిగా ప్రతిరోజూ సాధన సమయాన్ని పెంచడం ప్రారంభించండి.
మీరు కదలకుండా రాయిలా కూర్చోగలరో చూడండి. మీ భౌతిక శరీరంలో ఎలాంటి భంగం కలగకుండా చూడండి.
మీ యోగ సాధన చేస్తూ ఉంటె దాని ఫలితంగా మీరు చక్కగా కూర్చోగలుగుతారు.
మీరు ఎక్కువసేపు ఏదైనా యోగ భంగిమలో కూర్చోవడానికి సహాయపడటానికి మీ ప్రాణాయామం మరియు క్రియా యోగా చేయవచ్చు.
మరొక విషయం ఏమిటంటే యోగ సాధన ఫలితంగా మీ శరీరం చాలా ఆరోగ్యంగా మారుతుంది.
మీరు ఆరోగ్యంగా మారడం మొదలుపెడతారు మరియు మిమ్మల్ని మీరు నియంత్రించుకోగలుగుతారు.
యోగ సాధన నుండి ఉత్పన్నమయ్యే శక్తి మీ భౌతిక శరీరంలో ఉంటుంది కాబట్టి మీరు మీ శరీరంలో చాలా ఆటంకాలను నివారించగలుగుతారు.
ఫలితంగా, మీ శరీరం ఆరోగ్యంగా మారుతుంది మరియు మీరు తినే ఆహారం ఎంపిక మారుతుంది.
మీరు వండిన ఆహారం కంటే ముడి ఆహారాన్ని ఎక్కువగా తినడానికి ప్రయత్నిస్తారు మరియు అది మీకు సహజంగా జరుగుతుంది.
మీరు నాన్ వెజిటేరియన్ అయితే సహజంగానే దాన్ని తగ్గిస్తారు. మీరు చేయవలసినది ఏమీ లేదు.
ఈ యోగ సాధనాలు మీలో ఒక స్థాయికి చేరుకున్నప్పుడు, మీ దృష్టిలో మరియు మీ ముఖంలో ఎల్లప్పుడూ ఒక రకమైన శక్తి ఉంటుంది.
మీరు ఆ శక్తిని ప్రసారం చేయగలరు. సహజంగానే, మీ ఉనికి ఆ శక్తిని ఉత్తేజపరచడం ప్రారంభిస్తుంది మరియు అది మీలో ఎల్లప్పుడూ కనిపిస్తుంది.
మీరు శారీరకంగా చూడగలిగే కొన్ని మార్పులు ఇవి.
మీ భౌతిక శరీరం విషయానికి వస్తే మీకు అనేక ఇతర విషయాలు జరుగుతాయి.
మీ DNA కూడా మారుతుంది కానీ అది ధ్యానం మరియు యోగ సాధనల యొక్క చాలా అధునాతన దశలో జరుగుతుంది.
మీ మెదడులోని న్యూరాన్లు మారడం మొదలవుతాయి మరియు మీ మెదడులో కొత్త నాడీ మార్గాలు సృష్టించబడతాయి.
కాబట్టి భౌతిక శరీరం చాలా వరకు మారుతుంది.
యోగ సాధన మరియు ధ్యానం ద్వారా కణాల స్థాయిలో మార్పులు జరుగుతాయి.
కాబట్టి, మీ శరీరం ఎలా మారుతుందనే దాని ఆధారంగా మీరు మీ పురోగతిని అంచనా వేయవచ్చు.
మీరు మరింత శక్తివంతంగా ఉంటారు.
మీరు మునుపటి కంటే సులభంగా భౌతిక పనులు చేయగలరు.
అన్నమయ కోశంలో ఇంకొక విషయం ఏమిటంటే, మీరు మీ శరీర బరువు కంటే చాలా రెట్లు ఎక్కువ బరువును ఎత్తగలుగుతారు. ఇంతకు ముందు మీరు అంత బరువును ఎత్తలేకపోయి ఉండవచ్చు.
రెండవ కోశం మీ ప్రాణమయ కోశం.
ప్రాణమయ కోశం మారినప్పుడు మీరు మీ చుట్టూ ఉన్న ప్రదేశాలు, వ్యక్తులు మరియు వస్తువుల శక్తికి మరింత సున్నితంగా ఉంటారు.
ప్రారంభంలో, మీరు ప్రతికూల శక్తి ఉన్న వ్యక్తుల నుండి దూరంగా ఉండాలని అనుకోవచ్చు. ఆ వ్యక్తులు మంచి శక్తిని పెంచుకోరు.
మీరు అలాంటి శక్తి ఉన్న ప్రదేశాలకు మరియు వ్యక్తులకు దూరంగా ఉండవచ్చు.
ఆ రకమైన వ్యక్తులు లేదా ప్రదేశాలపై మీకు సహజమైన విరక్తి ఉంటుంది.
మీరు నిర్దిష్ట వ్యక్తులతో మరియు కొన్ని ప్రదేశాలలో ఉండటానికి ఇష్టపడరు, మీరు ఏది పడితే అది తాకడానికి కూడా ఇష్టపడరు.
మీరు మీ చుట్టూ భద్రతా సరిహద్దుని సృష్టించుకోడానికి ప్రయత్నిస్తారు.
కాబట్టి, మిమ్మల్ని మీరు రక్షించుకోవడానికి మీరు కొన్ని గ్రౌండింగ్ పద్ధతులు లేదా స్నానం చేయడం వంటి శుభ్రపరిచే పద్ధతులు చేయవచ్చు.
క్లీనింగ్ ప్రాక్టీసెస్ గురించి నా దగ్గర ఒక వీడియో ఉంది, మీరు ఆ వీడియో లింక్‌ని వివరణ పెట్టెలో చూడవచ్చు.
మీ శక్తిని సురక్షితంగా ఉంచడానికి మీరు చేయగలిగేవి చాలా ఉన్నాయి.
మరొక విషయం ఏమిటంటే అది మీలో భయాన్ని రేకెత్తించకూడదు.
ప్రతికూల శక్తి ఉన్న వ్యక్తులందరికీ దూరంగా ఉండటం మంచిది, కానీ భయంతో కాదు.
మీ స్వంత సాధన ద్వారా మీరు సేకరించిన శక్తివంతమైన శక్తి కేవలం క్షీణిస్తుందనే వాస్తవాన్ని తెలుసుకోవడం వలన ఇది చేయవచ్చు.
మీ ఇంట్లో ఒక చిన్న మొక్క ఉంది అనుకుందాం. అది చనిపోయే సమయంలో మాత్రమే మీరు దానికి నీరు ఇస్తున్నారు అనుకోండి.
అప్పుడు ఆ మొక్క అంతగా పెరగదు మరియు అది తనను తాను కాపాడుకోవడానికి ప్రయత్నిస్తూ ఉంటుంది.
కాబట్టి మీరు ఎల్లప్పుడూ మనుగడ ఆలోచనలో ఉంటే, పరిణామం జరగదు.
మీ శక్తిని ఆదా చేయడం మంచిది, ఆ విషయంలో స్వార్థంగా ఉండండి.
ఎందుకంటే మీరు ఉదయం లేచి, ఎక్కువసేపు కూర్చొని మీ సాధన చేయడానికి బాగా కష్టపడుతున్నారు.
ఇతర వ్యక్తులు ఎలాంటి సాధన చేయడం లేదు.
వారు కేవలం వారి అచేతనంగా నడిచే చిత్తవృత్తిలో ఉన్నారు. వారు ఎల్లప్పుడూ వారి అర్ధంలేని స్థితిలో ఉంటారు.
కాబట్టి మీ శక్తిని హరించే మరియు మీ శక్తిపై జీవించడానికి ప్రయత్నించే వ్యక్తుల నుండి దూరంగా ఉండటానికి మీకు పూర్తి హక్కు ఉంది.
నెమ్మదిగా, కొంతకాలం తర్వాత, మీ ప్రాణమయ కోశం చాలా శక్తివంతమైనదిగా మారడం ప్రారంభమవుతుంది.
ఒక దశలో మీ శక్తి ఒక నిర్దిష్ట స్థాయికి చేరుకుంటుంది. అప్పుడు చాలా నెగటివ్ ఎనర్జీ ఉన్న కొందరు వ్యక్తులు మీరు చాలా ఎనర్జిటిక్‌గా ఉన్నప్పుడు మిమ్మల్ని కలవడానికి ప్రయత్నిస్తుంటే, ఏదో ఒకవిధంగా మిమ్మల్ని కలిసే వారి ప్లాన్ రద్దవుతుంది.
ఎవరైనా చెడు శక్తిని పొందడం ప్రారంభిస్తే, వారి చుట్టూ ఉన్న పరిస్థితులు స్వయంగా మారడం మరియు జరగడం ప్రారంభమవుతుంది.
వేరే వాళ్ళు మీ ఇంటికి రాలేరు, మీరు వెళ్లి వారిని కలవలేరు.
సాధారణంగా, ప్రతికూల శక్తి సానుకూల శక్తిని ఆకర్షిస్తుందని మనం అనుకుంటాం.
కానీ సానుకూల శక్తి దాని చుట్టూ ఉన్న చెడు శక్తిని తిప్పికొట్టడం ప్రారంభిస్తుంది.
ఆ విధంగా, ప్రజల ప్రణాళిక మారుతుంది, స్థలాలు మారుతాయి మరియు మీరు ఆ స్థాయికి చేరుకున్నప్పుడు ఈ విషయాలు స్వయంచాలకంగా జరగడం ప్రారంభిస్తాయి.
మీరు మరింత సున్నితంగా మారతారు, మీరు మిమ్మల్ని మీరు జాగ్రత్తగా చూసుకోవాల్సి వస్తుంది.
మీ ప్రాణమయ కోశాన్ని విశ్లేషించడానికి అదే మార్గం.
మీరు ఒకరిని కలవకుండా, చూడకుండా కూడా వారు మంచివారా లేదా చెడ్డవారా అని తెలుసుకోవడం ప్రారంభిస్తారు.
ఈ రోజు వారు ఎలాంటి శక్తిలో ఉన్నారో మీకు తెలుస్తుంది.
కాబట్టి మీరు వారిని చూడటానికి లేదా వారిని కలవడానికి మీ ప్రణాళికలను మార్చవచ్చు.
మూడవది మనోమయ కోశం.
మనోమయ కోశంలో మీ బుద్ధి, అహం, చిత్త మరియు మనస్సు ఉంటాయి.
మనోమయ కోశం మనలో చాలా పెద్దది.
ఇది మన భౌతిక శరీరానికి మించి 9 నుండి 10 అడుగుల వరకు విస్తరించి ఉంటుంది.
ఇది చాలా పెద్దది మరియు మీరు సాధన చేసే కొద్ది ఇది ఇంకా పెద్దదిగా మారడం ప్రారంభమవుతుంది.
మీ చిత్తవృత్తులు మీ మానసిక భావోద్వేగ ప్రవర్తనలను సృష్టిస్తాయి.
ఈ కోశం పెరిగే కొద్దీ మీకు మరియు ఇతర వ్యక్తుల మధ్య సరిహద్దు తగ్గిపోవడం మొదలవుతుంది.
మీకు మరియు ఇతర ప్రదేశాల మధ్య సరిహద్దు తగ్గిపోవడం మొదలవుతుంది.
అలాగే మీకు మరియు ఇతర విషయాలకు మధ్య సరిహద్దు తగ్గిపోవడం ప్రారంభమవుతుంది.
కాబట్టి, అవతలి వ్యక్తి ఏమనుకుంటున్నారో మీరు వారిని చూడకుండా, వారిని కలవకుండానే తెలుసుకోగలుగుతారు.
ప్రారంభంలో, వారు మీ ముందు ఉన్నప్పుడు అది జరుగుతుంది.
మీరు ఇతరుల మనస్సులలోకి ప్రవేశించగలరు మరియు వారి ఉద్దేశాలను తెలుసుకోగలుగుతారు.
మీరు ఉద్దేశపూర్వకంగా అలా చేయాలనుకుంటున్నందున కాదు, అది సహజంగా జరగడం ప్రారంభమవుతుంది.
మరొక విషయం ఏమిటంటే, ఇది ఎల్లప్పుడూ బాహ్య ప్రపంచానికి సంభందంచిన విషయాల గురించే కాదు.
మీ చిత్త వృత్తులు, వాసనలు మరియు మానసిక-భావోద్వేగ మరియు ప్రవర్తనలు కూడా అవి మీలో ఒక భావోద్వేగాన్ని లేదా ఆలోచనను సృష్టించే ముందు మీరు తెలుసుకోగల సామర్థ్యాన్ని పొందుతారు.
ప్రారంభంలో మీకు ఎదురయ్యే భావోద్వేగం లేదా ఆలోచన ద్వారా వాటిని పట్టుకోగలుగుతారు కానీ యోగ సాధనాల ఫలితంగా మీ మనోమయ కోశ మరింత బలంగా మారడం ప్రారంభమవుతుంది.
అప్పుడు చిత్త వ్రిత్తులు మీలో ప్రారంభం అయ్యే ముందే మీరు వాటిని గ్రహించడం మొదలు పెడతారు.
మరొక విషయం ఏమిటంటే, ఏ కోరిక అయినా మీ హృదయంలో లోతుగా ఉందా అని చూసుకోవాలి.
మీకు ఏదైనా కోరిక ఉంటే అది జరిగిపోతుంది.
మీకు మంచి ఉద్దేశం ఉంటే అది జరిగిపోతుంది మరియు మీకు ఏదైనా చెడు ఉద్దేశం ఉన్నప్పటికీ అది కూడా జరిగిపోతుంది.
మీకు ఒకానొక సమయంలో కేవలం మంచి ఉద్దేశాలు మాత్రమే ఉంటాయి.
ఇవి ఆక్లిస్టా సంస్కారాలు లేదా అక్లిస్ట చిత్త వృత్తుల నుండి ఉత్పన్నమయ్యే కోరికలు.
ఒక సమయంలో అవి మాత్రమే మిగిలి ఉంటాయి మరియు అవి జరగడం ప్రారంభమవుతుంది.
కానీ మొదట్లో మంచి చెడు రెండూ వ్యక్తమవుతాయి. కాబట్టి అప్పుడు మీరు జాగ్రత్తగా ఉండాలి.
ఒక విధంగా మీరు వాటిని సిద్ధి లాగా చూడవచ్చు.
మీరు మీ చిత్త వృత్తులను చూడగలరు. కాబట్టి అవి మీలో తలెత్తకముందే మీరు వాటిని చూడగలుగుతారు.
మీరు ఏదైనా చెప్పినప్పుడు, లేదా ఏదైనా చేసినప్పుడు లేదా మీరు ఏదైనా కోరుకున్నప్పుడు మీరు మీ చిత్త వృత్తులను అర్థం చేసుకుని మీరు చేసే పనుల మూలాలని స్పష్టంగా చూడగలుగుతారు.
యోగ సాధన యొక్క ఉద్దేశ్యం వేరొకరిపై పి. హెచ్‌.డి చేయడం కాదు.
మీరు వేరొకరిపై పి. హెచ్‌.డి చేయడం ద్వారా జ్ఞానోదయం పొందలేరు.
మీరు ఇతరుల ప్రవర్తన, స్వభావం మరియు వారి జీవితాన్ని విశ్లేషించాల్సిన అవసరం లేదు.
మిమ్మల్ని మీరు విశ్లేచించుకున్నప్పుడే మీరు జ్ఞానోదయం పొందుతారు.
కాబట్టి మీరు మీ యోగ సాధనాన్ని ఎక్కువగా మీపై ఉపయోగించుకునేలా చూసుకోండి, ఇతర వ్యక్తులపై కాదు.
కాబట్టి మీలో ఆత్మావలోకనం చేసుకోవడానికి మీ మనోమయ కోశాన్ని ఉపయోగించండి.
మీలో ఒక కోరిక తలెత్తినప్పుడు, అది ఎక్కడ నుండి వస్తుందో మరియు అది మీలో ఎందుకు తలెత్తుతుందో మీరు చూడాలి.
మరియు మీలో ఒకరకమైన భయం తలెత్తినప్పుడు కూడా, నేను ఎందుకు భయపడుతున్నాను, ఈ భయం ఏమిటి మరియు నేను దేనికి భయపడుతున్నానో మీరు ఆత్మపరిశీలన చేసుకోవచ్చు.
ఈ ప్రశ్నలను మిమ్మల్ని మీరు అడగడానికి ప్రయత్నించండి మరియు ఈ ప్రశ్నలకు సమాధానం మీకు తెలుస్తుంది.
నాల్గవ కోశం విజ్ఞానమయ కోశం.
ఇది సహజమైన శరీరం కాదు.
ఇది మీ ఉనికికి చాలా పెద్ద కవచం మరియు ఇది విశ్వ మేధస్సును కలిగి ఉంటుంది.
ఇది మీలో గురు చక్రాన్ని, మూడో కన్నును కూడా కలిగి ఉంటుంది.
ఇది మీకు కాలాన్ని మించి చూసే సామర్థ్యాన్ని ఇస్తుంది.
దాని పనులలో ఒకటి అంతః దృష్టి.
వ్యక్తులను చూసే ముందు కూడా వారు ఎలాంటి శక్తితో ఉన్నారో మీకు తెలుస్తుంది.
మీరు ఒక నిర్దిష్ట ప్రదేశాన్ని సందర్శించే ముందు, ఆ స్థలం ఎలా ఉందో ఏమిటో మీకు ముందే తెలుస్తుంది.
ఏదైనా చెడు జరగబోతున్నట్లయితే, అది మీకు ముందే తెలిసిపోతుంది.
కాబట్టి, మీ అంతః దృష్టి పనిచేస్తున్నంత వరకు, మీరు మీ ఆధ్యాత్మిక సాధనలో ఏదైనా తప్పు చేస్తే, మీరు పొరపాటు చేస్తున్నారని మీకు తెలుస్తుంది మరియు మీరు మీ గురువుని అడగాలి అని కూడా తెలుస్తుంది.
కావున, విజ్ఞానమయ కోశం విశ్వ మేధస్సును గురించి.
ఇది కాలాన్ని మించిన విశ్వం యొక్క సత్యాన్ని మీకు అందిస్తుంది.
ఇది దుర్గాదేవి, లక్ష్మిదేవి, సరస్వతిదేవి, మరియు గతంలో అవతరించిన అందరు గురువులను, అందరు శక్తులను గురించిన సత్యాన్ని మీకు అందిస్తుంది.
ఈ శక్తి చాలా శక్తివంతమైనది మరియు ఇది విశ్వంలో ఉన్న మొత్తం జ్ఞానాన్ని కలిగి ఉంటుంది.
మీ చిత్త లో మీరు సంస్కారాన్ని సృష్టించడం ఒక విషయం. చిత్త అనేది మీ కార్మిక నిలువ,
ఇక్కడ మీ మానసిక భావోద్వేగ ప్రవర్తన నమూనాలు, మీ కర్మలు మరియు మీ గురించి ప్రతిదీ నిల్వ చేయబడుతుంది.
దీని గురించి తెలుసుకోడానికి మీరు మీరు పతంజలి యోగ దర్శనం వీడియో సిరీస్‌ను చూడవచ్చు.
మరియు చిత్త అంటే ఏమిటి, సంస్కారాలు ఎలా పనిచేస్తాయి, సంస్కారాలు అంటే ఏమిటి, చిత్తవృత్తులు అంటే ఏమిటి మరియు దానికి సంబంధించిన అనేక ఇతర విషయాలు అర్థం చేసుకోవచ్చు.
నేను ఈ వీడియో యొక్క వివరణ పెట్టెలో ఆ సిరీస్‌కు లింక్‌ను అందిస్తాను.
వేరొకరి చిత్త మీద సంస్కారాన్ని సృష్టించడం వేరే విషయం.
గురువులు ఎవరికైనా దీక్ష ఇచ్చినప్పుడు అదే చేస్తారు.
వారు అవతలి వ్యక్తి చిత్త లో ఆక్లిస్టా సంస్కారాలను సృష్టిస్తారు.
అది వారిని మోక్షం, జ్ఞానం మరియు సత్యం వైపు తీసుకువెళుతుంది.
గురువులు దానిని శిష్యులలో సృష్టించగలరు.
విశ్వం లో ఒక ముద్రను సృష్టించడం పూర్తిగా భిన్నమైన విషయం.
ఈ సృష్టి సజీవంగా ఉన్నంత వరకు ఆ జ్ఞానాన్ని కలిగి ఉంటుంది.
మరియు చాలా జ్ఞానం ఉన్న సమాధి గురువులందరూ, వారి జీవితకాలంలో తమ జ్ఞానాన్ని పొందగలిగే వ్యక్తిని కనుగొనలేకపోతే, భవిష్యత్తులో వేరొక యోగి ఆ జ్ఞానాన్ని పొందడానికి మరియు ఉపయోగించుకోవడానికి వారు విశ్వం లో ఆ జ్ఞానం యొక్క ముద్రను సృష్టిస్తారు.
ఇవన్నీ విజ్ఞానమయ కోశం ద్వారా జరుగుతాయి.
నేను ఈ శరీరాన్ని విడిచిపెట్టేముందు విశ్వం లో ఒక ముద్రను సృష్టించడానికి చాలా శక్తితో పాటుగా నా విజ్ఞానమయ కోశాన్ని ఉపయోగించాలి.
సమాధి గురువులందరూ అలా చేస్తారు.
మీరు ఒక ఆధ్యాత్మిక ప్రదేశం, లేదా పర్వతం లేదా ప్రకృతిలోని కొన్ని ప్రదేశాలలో, కొన్ని దేవాలయాలలో లేదా శక్తి వోర్టెక్స్ ఉన్న కొన్ని ప్రదేశాలను సందర్శించినప్పుడు మీరు బలమైన ఆధ్యాత్మిక అనుభవాన్ని పొందుతారు లేదా మీకు బలమైన ఆధ్యాత్మిక సాక్షాత్కారం జరుగుతుంది.
ఏ జీవితంలోనైనా ఎవరైనా సమాధిని సాధించిన వారు, వారి జ్ఞానాన్ని ఎవరికైనా ఇవ్వాలనుకుంటే కానీ ఆ జ్ఞానాన్ని మానవత్వం కోసం ఉపయోగించగల సరైన వ్యక్తివారికి ఆ జన్మ లో కనిపించకపోతే వారు ఆ జ్ఞానాన్ని విశ్వం లో ఒక ముద్రగా సృష్టిస్తారు.
అన్ని అష్ట సిద్ధిలు విజ్ఞానమయ కోశం ద్వారా జరుగుతాయి.
నా యూట్యూబ్ ఛానెల్‌లో అష్ట సిద్ధిలపై వీడియో ఉంది మరియు వాటి గురించి మీరు అక్కడ తెలుసుకోవచ్చు.
మీరు ఎప్పుడైనా కలవగలిగే అన్ని శక్తిలు, దేవి లేదా దేవతలను మీరు కలవగలిగితే అది మీ విజ్ఞానమయ కోశం ద్వారా జరుగుతుంది.
మీ గత జన్మలలో ఏవైనా గురువు మీకు దీక్ష ఇచ్చినట్లయితే, ఈ జీవితకాలంలో ఆ దీక్ష ఉనికిలోనికి రావాలి అంటే మీ విజ్ఞానమయ కోశ పూర్తిగా అభివృద్ధి చెంది ఉండాలి.
మీ ఆధ్యాత్మిక పురోగతిని అంచనా వేయడానికి మీరు ఈ విషయాలన్నింటినీ పరిశీలించాలి.
చివరిది ఆనందమయ కోశం. ఆనందమయ కోశాను సాధారణంగా బ్లిస్ బాడీకి అనువదిస్తారు, కానీ అది ఖచ్చితమైన అర్థం కాదు.
అన్నమయ కోశాన్ని ఆత్మ తనంతట తానుగా గ్రహించే వరకు మానవ జీవితకాలంలో అది ఆత్మకు ఆధారం గా పరిగణించబడుతుంది.
కానీ స్వీయ సాక్షాత్కారం లేదా మోక్షం పొందిన తరువాత ఆనందమయ కోశం ఆధారం అవుతుంది.
మేము ఆనందమయ కోశం ద్వారా ప్రతిదీ గ్రహిస్తాము.
మరియు ఆనందమయ కోశం వ్యక్తిగత పొర కాదు, మన భౌతిక శరీరం వలె దీనికి సరిహద్దు లేదు.
భౌతిక శరీరం మీకు సమయం మరియు స్థలంలో స్థానికీకరణను అందిస్తుంది.
ఆనందమయ కోశానికి స్థానికీకరణ లేదు.
ఆనందమయ కోశంలో మీరు మరియు నేను లేరు లేదా భౌతిక విభజన లేదు ఎందుకంటే దాని ఆధారం పరమాత్మ నుండి విస్తరించబడింది.
ప్రతిదీ పరమాత్మలో ఉన్నప్పటికీ అది పరమాత్మ యొక్క ప్రత్యక్ష సాక్షాత్కారం.
మరియు స్వీయ-సాక్షాత్కారం పొందిన వారు ఎల్లవేళలా ఆనందంలో ఉండడానికి కారణం అదే.
వారు ఎల్లప్పుడూ బ్రహ్మ మరియు పరమాత్మలో ఉన్నట్లు భావిస్తారు.
వారికి విభజన ఉండదు, మరియు స్థానికీకరణ భావన కోల్పోయి ఉంటుంది.
కానీ భౌతిక శరీరం స్థానికీకరించబడి ఉంటుంది. భౌతిక శరీరానికి సమయం ఉంటుంది, స్థలం ఉంటుంది, ఆకారం ఉంటుంది.
కనుక ఇది మనకు తెలిసిన భౌతిక సృష్టిలో కొనసాగుతుంది. కాబట్టి మోక్షం తర్వాత మీలో స్థానికీకరణ భావన పోతుంది.
ఆనందమయ కోశంతో ఉన్న మరో విషయం ఏమిటంటే, ఇది మీకు అలౌకిక సిద్దులను ఇస్తుంది.
మీ నాలుగు శరీరాలు లౌకిక స్వభావం కలిగిన సిద్ధులను పొందగలవు.
లౌకిక సిద్ధి అనేది సంస్కృత పదం. అంటే కనిపించే ప్రపంచానికి లేదా భౌతిక ప్రపంచానికి సంబంధించిన విషయాలు అని అర్ధం.
మీ మొదటి నాలుగు కోశాల ద్వారా ఈ సిద్ధులను పొందవచ్చు. మీ విజ్ఞానమయ కోశాన్ని చాలా వరకు అభివృద్ధి చేసినప్పుడు మాత్రమే అవన్నీ జరుగుతాయి.
ఆనందమయ కోశం ఈ పరిమాణానికి మించిన అలౌకిక్ సిద్ధిలను మీకు అందిస్తుంది.
ఇవి భౌతిక లేదా స్థూల ప్రపంచానికి సంబంధించినవి కావు.
అతి ముఖ్యమైన విషయం ఏమిటంటే, మీ మానసిక భావోద్వేగ ప్రవర్తనా విధానాలు లేదా చిత్తవృత్తులు మీపై కలిగి ఉన్న పట్టును తగ్గించడం ప్రారంభిస్తుంది.
మరియు నెమ్మదిగా మీ చిత్తలో తక్కువ భంగాలు కలుగుతున్నాయని మీరు గ్రహిస్తారు.
దీనికి కొన్ని నెలలు లేదా కొన్ని సంవత్సరాలు లేదా ఒక జీవితకాలం పట్టవచ్చు.
ఇది చాలా జీవితకాలాల ప్రయాణం.
రెండు సంవత్సరాలు లేదా ఐదు సంవత్సరాలు లేదా పదేళ్లలో ఏదో జరుగుతుందని అనుకోకండి.
ఏమీ జరగకపోతే, మీలో ఇంకా ఏదో మిగిలి ఉంది అని అర్ధం.
మోక్షాన్ని పొందకుండా మిమ్మల్ని మీరు కాకుండా ఇంకా ఎవరు ఆపలేరు.
సిద్ధిలను పొందకుండా మిమ్మల్ని మీరు కాకుండా ఇంకా ఎవరు ఆపలేరు.
అన్ని రకాల విశ్వ మేధస్సును పొందకుండా మిమ్మల్ని మీరు కాకుండా ఇంకా ఎవరు ఆపలేరు.
మీ గురు చక్రం లేదా మీ మూడవ కన్ను తెరవకుండా మిమ్మల్ని మీరు కాకుండా ఇంకా ఎవరు ఆపలేరు.
మీరే ప్రతిదానికి భాద్యత వహించాలి అని గమనించండి.
ఏదైనా జరగకపోతే, తప్పు ఏమిటో తెలుసుకోవడం మీ భాద్యత.
ఒకవేళ మీకు అర్థం కాకపోతే, మీరు దాని గురించి విచారించడం లేదా కలవరపడాల్సిన అవసరం లేదు.
మీరు గురువు కోసం వెతకవచ్చు. గురువులు మీ చిత్త లోపల చూడగలరు మరియు మీలో ఏమి జరుగుతుందో వారు మీకు చెప్పగలరు.
మీకు గురువు ఉన్నప్పటికీ, ప్రతి చిన్న విషయానికి వారిని సంప్రదించవద్దు.
ఇది ఎందుకు జరగడం లేదు అది ఎందుకు జరగడం లేదు అని వారిని అడగవద్దు.
సాధన చెయ్యడానికి దానికి తగినింత సమయం కేటాయించి నిజాయితిగా ప్రయత్నం చేస్తే అది 6 నెలలు పట్టవచ్చు లేదా 1 సంవత్సరం పట్టవచ్చు లేదా 5 సంవత్సరాలు పట్టవచ్చు, కాని మీకు తప్పకుండ ఫలితం లభిస్తుంది.
మీరు మీ గురువులను లేదా ఉపాధ్యాయులను లేదా ఎవరినైనా ఏదైనా చెప్పి మోసగించవచ్చు అనుకుంటే చివరికి మీరే మోసపోతరు.
మీరు చేసే పనులలో, చెప్పే విషయాలలో చాలా నిజాయితీగా ఉండండి.
కొన్నిసార్లు మీరు సత్యాన్ని తిరస్కరిస్తూ ఉండవచ్చు.
ఏదైనా విషయాన్ని పట్టుకుని వదలకుండా ఉండవచ్చు.
మరియు మీరు చేసి పని సరైనదే అని మిగితా వ్యక్తులు చెప్పాలని కోరుకుంటూ ఉంటారు.
చాలా మంది ప్రజలు ఆధ్యాత్మిక గురువుల వద్దకు వెళతారు.
వారు తమలో అన్ని బాధలు మరియు ద్వేషాన్ని పట్టుకుని గురువు వద్దకు వస్తారు.
వారు చేసే పని సరైనదే అని గురువు చెప్పాలని కోరుకుంటారు.
కాబట్టి, ఈ కోశాలన్నింటి కోసం వెతకండి మరియు ప్రతి స్థాయిలో మిమ్మల్ని మీరు విశ్లేషించుకోండి.
చివరిగా గుర్తుంచుకోవలసిన విషయం ఏమిటంటే, మీ చిత్తా వృత్తులు లేదా సంస్కారాలు తగ్గడం ప్రారంభించాలి.
ఇంతకు ముందు మీరు చాలా కోపంగా ఉండవచ్చు మరియు ఇప్పుడు మీకు కోపం కలగక పోవచ్చు.
ముందు మీరు చాలా భయపడుతూ ఉండవచ్చు మరియు ఇప్పుడు మీరు దేనికీ భయపడుతూ ఉండకపోవచ్చు.
ఇంతకు ముందు మీరు ఎవరితోనైనా లేదా కొన్ని చోట్ల చాలా అటాచ్‌మెంట్‌లు పెట్టుకుని ఉండవచ్చు మరియు ఇప్పుడు మీరు అలా ఉండలేకపోవచ్చు.
ఇంతకు ముందు మీరు ఒకరిపై ద్వేషాన్ని కలిగి ఉండవచ్చు కానీ ఇప్పుడు మీరు అలా ఉండలేరు.
ఈ రకమైన మార్పులు అత్యంత ముఖ్యమైన మార్పులు.
"చిత్త వృత్తి నిరోధ" అని గుర్తుపెట్టుకోండి.
మీరు ఎన్ని సిద్ధిలు సాధించినా, మీ విజ్ఞానమయ కోశం పూర్తిగా అభివృద్ధి చెందినా కూడా మీ గురించి మీరు పూర్తిగా తెలుసుకోనంత వరకు మీకు మోక్షం కలుగదు.
దీని అర్థం కొన్ని ఇతర రకాల బాధలు ఎల్లప్పుడూ ఉంటాయి.
మీరు శారీరకంగా అనారోగ్యానికి గురైతే, మీ శరీరం మాత్రమే అనారోగ్యంతో ఉందని మరియు మీరు బాగానే ఉంటారని అనుకునే స్థాయికి మీరు అభివృద్ధి చెందాలి.
మానసికంగా మీరు మీ శారీరక అనారోగ్యంతో బాధపడరు.
మానసికంగా మీరు మీ చుట్టూ ఉన్న జీవిత పరిస్థితులు లేదా మీ రోజువారీ జీవితంలో ఎదుర్కొనే సమస్యలతో బాధపడరు.
చిత్త వృత్తి నిరోధం జరిగే వరకు కొన్ని బాధలు ఎల్లప్పుడూ ఉంటాయి.
కాబట్టి, ఇది కేవలం మోక్షానికి సంబంధించినది కాదు.
మీకు మోక్షం లేదా వైరాగ్యం లేదా ఆత్మసాక్షాత్కారం అర్థం కాకపోయినా పరవాలేదు.
కానీ ప్రతి ఒక్కరూ తమకున్న అన్ని బాధలను వదిలించుకోవడానికి ప్రయత్నించాలి.
జీవితంలో ఎవరూ బాధపడాలని అనుకోరు. మరియు అది చాలా ముఖ్యమైన విషయం.
మీ మనస్సులోని బాధలను తొలగించడానికి యోగ సాధనాలు ఉపయోగపడతాయి.
కాబట్టి ఈ విషయాలు అన్నింటిపై మిమ్మల్ని మీరు విశ్లేషించుకోండి.
నమస్తే.
జై శివాయ్.
ఆదిగురు ప్రకృతి
Adiguru Prakriti
Note - This article is a Telugu Translation of the original English Yogic Lifestyle Video Session 09 - Evaluating your Spiritual Progress